Hordhaca React.js: Waa Maxay, Maxaana Loo Bartaa?
Dunida horumarinta mareegaha (Web Development) waxay soo martay marxalado kala duwan, laakiin isbeddelka ugu weyn ee dhacay tobankii sano ee la soo dhaafay waxaa hormuud u ahaa React.js. React waa maktabad (library) JavaScript ah oo loo isticmaalo dhisidda muuqaalka hore ee mareegaha (User Interfaces). Waxaa dhisay oo ilaalinteeda leh shirkadda Meta (Facebook), waxaana markii ugu horreysay la soo saaray sanadkii 2013-kii. Maanta, React waa aaladda loogu isticmaalka badanyahay adduunka marka ay timaaddo dhisidda shabakadaha casriga ah ee loo yaqaanno Single Page Applications (SPAs).
Haddii aad tahay qof hadda bilaabaya barashada dhisidda mareegaha ama aad tahay horumariye khibrad leh, fahanka React waa mid muhiim u ah mustaqbalkaaga shaqo. React kuma koobna oo kaliya inuu kuu fududeeyo dhisidda bogga, balse wuxuu beddelayaa qaabka aad u fekerayso markaad dhisayso software-ka. Maqaalkan, waxaan si qoto dheer ugu falanqayn doonnaa wax kasta oo aad uga baahantahay inaad ka ogaato React.
Sababta React uu u Yahay Mid Gaar Ah (The Core Philosophy)
React wuxuu ku dhisanyahay laba fikradood oo waaweyn: Component-based Architecture iyo Declarative UI. Marka hore, Component-based Architecture waxay ka dhigaysaa boggaaga mid ka kooban qaybo yaryar oo isku filan. Tusaale ahaan, halkii aad ka qori lahayd boqolaal sadar oo HTML ah hal meel, waxaad u qaybinaysaa bogga qaybo yaryar sida: Navbar, Sidebar, Card, iyo Footer. Qayb kasta (Component) waxay leedahay code-keeda u gaarka ah, taas oo fududaynaysa in dib loo isticmaalo (Reusability).
Tan labaad, React waa Declarative. Taas macnaheedu waa adigu waxaad u sheegaysaa React "Sidee rabaa in boggu u ekaado?", isaguna wuxuu qabanayaa shaqada adag ee ah inuu interface-ka beddelo marka xogtu isbeddesho. Tani waxay aad uga duwantahay qaabkii hore ee JavaScript (Imperative), halkaas oo aad adigu gacantaada ku beddeli jirtay mid kasta oo ka mid ah qaybaha bogga.
Virtual DOM: Sirta ka dambaysa xawaaraha React
Mid ka mid ah sababaha React uu ugu dheereeyo ayaa ah waxa loo yaqaanno Virtual DOM. Marka xogtu isbeddesho, JavaScript-ka caadiga ah wuxuu cusboonaysiiyaa (refresh) dhammaan bogga ama qayb weyn oo ka mid ah, taas oo gaabin karta shaqada (slow performance). Laakiin React wuxuu sameeyaa nuqul "Virtual" ah oo ah boggaaga. Marka isbeddel dhaco, React wuxuu barbar-dhigayaa Virtual DOM-kii hore iyo kii cusbaa, ka dibna wuxuu u diraa biraawsarka (browser) kaliya qaybta dhabta ah ee isbeddeshay. Nidaamkan waxaa loo yaqaannaa 'Reconciliation'.
JSX: Isku darka JavaScript iyo HTML
React wuxuu isticmaalaa syntax gaar ah oo la yiraahdo . JSX waxay kuu ogolaanaysaa inaad HTML ku dhex qorto JavaScript-kaaga. Inkastoo markii hore ay dadka qaar u arkeen wax la yaab leh, haddana waxay ka dhigaysaa dhisidda UI mid aad u fudud oo la akhrisan karo. Hoos ka eeg tusaalaha Component fudud oo React ah:
